Vendimi i Gjykatës së Apelit për 21 janarin ka sjellë një valë të re reagimesh të opinionit publik në lidhje me besueshmërinë e drejtësisë dhe gjyqtarëve.
Top Channel ka mësuar se edhe vetë trupi gjykues ka qenë përfshirë në mos në debate, në mendime të ndryshme në lidhje me vendimin për të akuzuarit e kësaj çështjeje, Ndrea Prendin dhe Agim Llupon.
Gjykata doli javën e kaluar me një vendim ku rrëzonte pretendimet e Prokurorisë dhe riklasifikonte akuzën nga “vrasje me dashje” në “vrasje nga pakujdesia”. Por vendimi nuk ka qenë unanim.
Gjyqtarja Evgjeni Sinojmeri ka votuar kundër dy kolegëve të saj të treshes gjykuese, Agim Bendo dhe Ervin Metalla.
Sinojmeri ka rrëzuar vendimin e Gjykatës së Shkallës së parë për pafajësi dhe qëndrimin e Bendos dhe Metallës për “vrasje nga pakujdesia”, duke mbështetur Prokurorinë për akuzën e vrasjes me dashje.
Por duke qenë mendim pakice, në fund ai nuk është marrë parasysh.
*Burimi: Gazeta Tema
